Auteur: Dooro Bayre
Date: 25-02-05 17:45 >>> Répondre à ce message
Tinndol Jamma 3.
..."Duum noon,onon jamoobe,woto mbonnee jawdeele mon e nyeenybe.Miin,ko miin e hoore am yeewtidanta hoore am e gorko,haami annda hakkille mum do tolni.Galo e baasdo mi wonndaaka.Won naamde njogiimi tan gorko fof baawdo jaabaadede mamin kumane.
Gorko fof gardo so ronnkii jaabaade laabnde makko dee tan o wi`a dum njaafondiren.Jom jawdeele en e yontaabe leydii kala kawritii doon koni hay gooto nawaani ndam,haa worbe kulti jamoydemo.
Wadi sahaa gooto, onelani baylo makko yoo ar tafanamo kannge makko,oon wi`imo nganndaa noon mi alaa bifirde.Kummba wi`mo: baaba am ene yaha teeru, mami yoobnumo nelal.
Nde baaba makko fay e yahde o wi`idum:"Baaba,so yahi teeru tiinno codonoraami NDAMNDI NGUURNDI HENNDU KUBOORI JAYNGOL."
Baabiraado oo ne wonaa teeydo,hedtinaaki nii haa faama ko nelaa ko,wakki hummbo mum yabbani teeru.
Kono biddo debbo oo ko korsudo e makko no feewi.O wadi nelal ngal hoore haaju makko.Kono nde o yahi haa o woddi e yolnde hee hakkille makko ari e holko woni NDAMNDI NGUURNDI HENNDU KUBOORI JEYNGOL? "OO kam haangaaka mbiidon? Kono teeru dee alaa fof ko alaa toon, hami yettootan mi jeewa." ...
Haa janngo kadi, mbaalen e jam.
|
|